美好
義工組 葉佩茜、賴木盛
2007年

在這, 你會看到人是美好的,
人生也是美好的!

“喂,上個星期日你去了邊度 ?”
“啊!去老人院探訪, 同D伯伯玩。"
“嘩,你做義工呀, 咁有愛心。”

愛心,乜做義工,真係同愛心掛鉤架咩, 如果係,點解我又唔係咁覺得自己有愛心

咁問自己係咪為了消磨時間,就梗係唔係喇,我只有覺得時間永遠不夠用,咁…係咪為了擴闊生活圈子, 又唔似喎,話哂我都唔鍾意應酬,不過…. 如果在埋單果陣,先發覺自己冇做過D有意義事,講真,我會驚,回頭看,真有白過此生的感覺,啊!原來係為唔使抱憾… 去關心別人,又有人比你關心,咁快樂又有意義事, 係好應該做呀,尤其在你還有能力時!

話說回來,到東林安老院做探訪,同伯伯們打交道,由最初,乜個個伯伯都差唔多樣,到現在都分得出邊個‘打’邊個,(雖然又唔係全部認得哂,記得哂)係呢個時候,又點會唔培養出感情來,而且伯伯們真的很可愛,他們有的像聖誕老人,有的像雪姑七友中的七友,原來年紀老了,人又會變回細路模樣的。 他們個個都有不同的性格,不同的經歷,但都喜歡同你講,分享,故此,同他們相處,我們實在學到很多東西。

再講,組員們給我D感覺很親切,有如舊朋友一樣,我們坐下來,便東講講,西講講,熱鬧不已,開會室常常都是鬧哄哄的。在這堙A你會看到人是美好的,人生也是美好的!


返回 普明佛學會 散文閣